भक्तपुर, १७ चैत । देशकै सानो जिल्ला भक्तपुरमा नै ६ सय भन्दा वढी औषधी पसलहरु रहेका छन् ।
औषधी व्यवसायी संघ भक्तपुर जिल्ला शाखाको शनिबार भक्तपुरमा भएको चौथौं साधारणसभामा उक्त जानकारी गराइएको हो ।
कार्यक्रममा बताइए अनुसार औषधी व्यवस्था विभागमा दर्ता भएर भक्तपुरमा सञ्चालनमा रहेका औषधी पसलहरुको संख्या ६ सय भन्दा वढी छन् ।
तीमध्ये सवैभन्दा वढी भक्तपुर नगरपालिका क्षेत्रमा र त्यसपछि मध्यपुर थिमि नगरपालिका क्षेत्रमा छन् । जिल्लामा यी बाहेक सूर्यविनायक र चाँंगुनारायण नगरपालिकाहरु छन् । संघमा भने एक सय ६५ वटाको संख्यामा मात्रै आवद्धता रहेका छ । बक्ताहरुले औषधी पसललाई ब्यवस्थित बनाउन सरकारको पर्याप्त प्रयास नभएको बरु उल्टै संचालकलाई डर र त्रास देखाइने गरेको गुनासो गरे ।
ब्यवसायीलाई अनाधिकृत औषधी र लागू औषधको बेचबिखन नगर्न र मूल्यमा एकरुपता कायम गर्न संघको आग्रह छ ।
कतिपय ब्यवसायीका कारण यो क्षेत्र बद्नाम बनेको प्रति चिन्ता ब्यक्त गर्दै सबैलाई एकै टोकरीमा हालेर हेर्न नहुने र औषधीको सेवा पुर्याउने ब्यवसायीको समाजमा सम्मानको बाताबरण बनाउन संघले आवश्यक कार्यक्रम ल्याउने पर्नेमा बक्ताहरुले जोड दिईए ।
साधरणसभाको उदघाटन संघका बागमती प्रदेशका अध्यक्ष ध्रुबनारायण श्रेष्ठले गरेका थिए । कार्यक्रममा संयुक्त रुपमा नयाँ वर्षको क्यालेण्डर पनि विमोचन गरियो ।
कार्यक्रममा वागमती प्रदेश अध्यक्ष श्रेष्ठ, महासचिव राजु श्रेष्ठ, काठमाडौका अध्यक्ष शंकर महर्जन, ललितपुरका अध्यक्ष इन्द्रवीर महर्जन, काभ्रेका अध्यक्ष श्याम तिमिल्सना, रामेछाप दोलखा सदस्य मदन भौकाजीलगायतले शुभकामना मन्तव्य व्यक्त गरेका थिए ।
जिल्ला सभापति नारायणप्रसाद भुसालको सभापतित्वमा सम्पन्न कार्यक्रमपछि गायक समेत रहेका कपिल कसपालले रमाइलो नाचगानको संयोजन गरेका थिए ।
