काठमाडौ । काठमाडौमा जारी प्रेस सेन्टर नेपालको पाँचौ महाधिवेशनले नयाँ नेतृत्व चयनका लागि उम्मेदवारी दर्ता सम्पन्न गरेको छ ।
अध्यक्षमा कमल गिरी र दीपेन्द्र रावल सहित अधिकांंश पदहरुमा दोहोरो उम्मेदवारी परेपछि मतदानको तयारी भैरहेको निर्वाचन समितिले जनाएको छ ।
उपत्यका प्रदेशबाट भने सबै पदमा निर्विरोध निर्वाचित भएका उपत्यका प्रदेेश समितिका महासचिव रोशन गाउँलेले बताए । गाउँलेका अनुसार केन्द्रीय सचिवमा निवर्तमान प्रदेेश अध्यक्ष नबराज दाहाल निर्विरोध निर्वाचित भएका छन् । दाहाल जनप्रवाह साप्ताहिकका प्रकाशक एवं सम्पादक हुन् ।
उपत्यकाबाट हुने ४ केन्द्रीय सदस्य पदमा पनि क्रमशः सागर पन्त, नेत्र न्यौपाने र बिनोद दहालसहित केन्द्रीय सदस्य महिलामा पुष्पा महरा निर्विरोध निर्वाचित भएका उपत्यका प्रदेश अध्यक्ष लोकेश लिम्बूले पुष्टि गरेका छन् । औपचारिक घोषणा भने हुन बाकी रहेको उनले बताए ।
केन्द्रीय सदस्य निर्वाचितहरु क्रमश गण्डकी टाइम्स, सिटीपोस्ट राष्ट्रिय दैनिक, शिलापत्र र समाचार दैनिकमा आवद्ध रहेका छन् ।
प्रेस सेन्टर नेपाल उपत्यकामा बलियो संगठन मानिन्छ । नेपाल पत्रकार महासंघको उपत्यका प्रदेशमा र दुई जिल्लामा पनि अध्यक्ष लगायत अधिकांश पदाधिकारीमा प्रेस सेन्टरकै नेतृत्व छ ।
