काठमाडौ । प्रेस सेन्टर नेपालको पाचौं अधिवेशनबाट अध्यक्षमा कमल गिरी बिजयी बनेका छन् ।
काठमाडौ बैंक्वेटमा सम्पन्न मतदानको मतपरिणाम अनुसार प्रतिस्पर्धी उम्मेदवार दीपेन्द्र रावललाई १ सय ९१ मतान्तरले पछि पार्दै गिरी बिजयी बनेका हुन् ।
निर्वाचन समितिका प्रमुख रहेका गोविन्द आचार्यले गिरीले ३ सय ६६ मत प्राप्त गरी अध्यक्षमा बिजयी बनेका पुष्टि गरे ।
त्यस्तै वरिष्ठ उपाध्यक्षमा सुरेशचन्द्र अधिकारी ३ सय ९७ मत ल्याएर बिजयी हुँदा उनका प्रतिस्पर्धी सुदिप बर्देवाले १ सय ११ मत पाएका आचार्यले बताए ।
महासचिवमा मनोज घर्तीमगर बिजय भएका छन् । घर्तीमगरले ३ सय ७९ मत प्राप्त गरी बिजय भएका हुन् । उनका निकटतम प्रतिद्वन्द्वी दिपेन्द्र शर्माले १ सय ४८ मत प्राप्त गरे ।
त्यसैगरी उपमहासचिवमा ज्ञान प्रसाद पौडेल, सचिव खुलामा सुरेन्द्र चालिसे र सन्तोष देउजा, सचिव महिलामा अन्जली थापा, सचिव समावेशीमा अवतार राई र कोषाध्यक्षमा बसन्त गिरी निर्वाचित भएका निर्वाचन प्रमुख गोबिन्द आचार्यले बताए ।
यि पदमा निर्विरोध नभएकाले मतदानबाट बिजयी घोषणा गरिएको उनले बताएका छन् ।
