काठमाडौं इन्जिनियरिङ कलेज, कालिमाटीमा सरस्वती पूजा र च्यारिटी शो सम्पन्न भएको छ । कालिमाटीस्थित कजेल प्राङ्गणमा माघ सोमबार सरस्वती पूजा र मंगलबार क्यारिटी शो सम्पन्न भएको हो ।
कार्यक्रममा कलेजका अध्यक्ष तथा प्राचार्य प्रोफेसर इन्जिनियर हिरेन्द्रमान प्रधानले त्याग, तपस्या र ध्यानले मात्रै ज्ञान प्राप्त हुने उल्लेख गरे । विचलनका तत्ववाट विद्यार्थीहरु वच्नुपर्ने प्रस्ट पार्दै उनले शिक्षाको विकासले नै देश विकासको आधार तयार हुने वताए ।
प्राचार्य प्रधानले सिभिल इन्जिनियरिङ, कम्प्युटर इन्जिनियरिङ, इलेक्ट्रोनिक्स, कम्युनिकेशन एण्ड इन्फर्मेशन इन्जिनियरिङ, इलेक्ट्रिकल इन्जिनियरिङ र आर्किटेक्चर कार्यक्रमका उत्कृष्ट विद्यार्थीहरुलाई पुरस्कार वितरण समेत गर्दै सर्वोत्कृष्ट नतिजाले गर्दा नै काठमाडौं इन्जिनियरिङ कलेज विद्यार्थीको आकर्षणको केन्द्र भएको र भविष्यमा पनि यो श्रेष्ठता कायम हुने विश्वास व्यक्त गरे ।
कलेजका सिनियर उपप्राचार्य एसोसिएट प्रोफेसर आर्किटेक्ट शैलिता जोशी र उपप्राचार्य इ. अर्जुन पौडेलले खेलकूद, गीत, संगीत, नृत्य लगायत अतिरिक्त कृयाकलापका विजेता र उपविजेता पदक तथा पुरस्कार वितरण गरेका थिए ।
सरस्वती पूजा पछि मिथिला आर्ट, पेन्टिङ, खाना, रंगोली, मेहेन्दी प्रतियोगिता र साँस्कृतिक कार्यक्रम पनि गरिएको थियो । मंगलबार च्यारिटी शो सम्पन्न गरिएको थियो ।
कम्प्युटर विभागका एसोसिएट प्रोफेसर इ. श्रीकृष्ण सुलुले च्यारिटी शोवाट उठेको रकम सिन्धुपाल्चोक जिल्लाको जुगल गाउँपालिकास्थित श्री कुनेगाउँ विद्यालय र श्री देउराली विद्यालयका विद्यार्थीलाई सहयोग गर्ने जानकारी गराए ।
