सर्लाही। सर्लाहीस्थित पूर्वपश्चिम राजमार्गमा एकाबिहानै बस दुर्घटना भएको छ । सो दुर्घटनामा परी ३ को ज्यान गएको छ भने दुर्घटनामा अन्य १७ जना घाइते भएका छन् ।
सर्लाहीको बागमती नगरपालिका स्थित रायमाझी चोकमा आज बिहान बस दुर्घटनामा भएको हो ।
भैरहवाबाट जनकपुर आउँदै गरेको लु १ ख ८८४८ नम्बरको बस दुर्घटनामा परेको प्रहरीको भनाइ छ । तिब्र गतिका कारण बस दुर्घटनामा परेको प्रहरीले प्रारम्भिक अनुमान गरेको छ । भारतीय ट्रकलाई उछिन्न खोज्दा दुर्घटनामा परेको प्रत्यक्षदर्शीले बताएका छन् । मृतकको सनाखत हुन बाकी रहेको बताइएको छ ।
