एमाले सर्लाहीको अध्यक्षमा पुन: साह

प्रेमनाथ पौडेल, सर्लाही । नेकपा एमाले जिल्ला कमिटी सर्लाहीको अध्यक्षमा राजकुमार साह निर्वाचित भएका छन् । सदरमुकाम मलंगवामा बुधबार सम्पन्न ९ औं अधिवेशनबाट उनी पुन पदमा अध्यक्ष निर्वाचित भएका हुन्।

प्रतिद्वन्दीलाई १२ मत ले पछि पार्दै राजनारायण अध्यक्ष पदमा निर्बाचित भएका निर्वाचन कमिटीले जनाएको हो । उनले २ सय ८० मत ल्याई बिजय प्राप्त गर्दा उनका निकटतम प्रतिद्वन्दी हरिवन नगरपालिकाका पूर्व नगरप्रमुख समेत रहेका नेता प्रमुख गणेश प्रसाई २ सय ६८ मत प्राप्त गरे पनि पराजय भोग्न बाध्य हुनुपर्यो । त्यस्तै अर्का प्रत्यासि जय प्रकाश चौधरीले २० मतमै चित्त बुझाउनुपरेको बताइएको छ ।

गत बैशाख ३० गते अधिबेशनको उदघाटन सत्र सम्पन्न भएपनि पदाधिकारी चयनको लागि सहमतिको प्रयासले गर्दा नेतृत्व चयन अड्किन पुगेको थियो । सहमती जुट्न नसके पछि बुधबार निर्वाचन मार्फत पदाधिकारी चयनको लागी मतदान गरिएको थियो ।

बिहीबार सम्पन्न मतगणना अनुसार अध्यक्षमा राजनारायण साहले बाजी मार्दा उपाध्यक्ष पदमा बिदुर कुमार प्याकुरेल बिजयी बनेका छन् । प्याकुरेलले २ सय ६२ मत ल्याई बिजयी हुँदा उनका प्रतिद्वन्दी पार्वती निकले १ सय ७१ र प्रकाश थापाले १सय २ १मत पाए ।

यस्तै सचिव पदमा डिल्लि प्रसाद अधिकारी ले १ सय ७७ मत सहित विजय प्र्राप्त गर्दा उनका प्रतिद्वन्दी बलराम पोख्रेलले १सय ३९, सुनिल श्रेष्ठले १ सय ३१ र चुडामणि वाग्लेले ८६ मत मात्रै पाउन सफल भए ।

यसै गरि उप सचिब महिला तर्फ ईश्वरपुर नगरपालिकाकी पूर्व नगर उप प्रमु यकावती चौधरीलाई ५ मतले पछि पार्दै बागमतीकी बिभा नेपाल २ सय ६३ मत सहित बिजयी भएकी छन् ।
यस्तै गरि खुल्ला उप सचिबमा २ सय ७७ मत सहित बलराम एस्मालि बिजयी भएका छन , उनका प्रतिद्वन्द्वीमा मोहन भण्डारीले १ सय २, अजय सिंहले १ सय १, सन्तोष आचार्यले ७१, लक्ष्मण साह कलुवारले १८ र संजीव सिंहले १७ मतमै चित्त बुझाउनुपर्यो ।

यसै गरि लेखा समिति संयोजकमा १ मतले उत्तम परियारलाई पछि पार्दै रमेश चौलागाई निर्बाचित भएका छन । उनले १ सय ६३ मत प्राप्त गरेका हुन । सो पदमा माधवप्रसाद सुवेदीले १सय ५१ मत सहित तेस्रो हुनुपर्यो ,।
यसैगरि लेखा समिति सचिवमा हरिवन नगरपालिकाकी पूर्व उप प्रमुख रेनुका कुमारी पौडेल २ सय ५२ मत सहित बिजयी भएकी छन् भने विनय कुमार साहले १ सय २८ र लक्ष्मी दाहालले ८८ मत मात्रै पाउन सफल भएको निर्बाचन समिति संयोजक रमेश न्यौपानेले जानकारी गराएका छन् ।

Loading...