काठमाडौं । नेपाल कम्युनिस्ट पार्टीले सरकारले दमन जारी राखे जनताकाे शक्तिशाली प्रतिराेध सुरु हुने चेतावनी दिएकाे छ । नेकपाका स्थायी समिति सदस्य तथा प्रवक्त प्रकाण्डले एक प्रेस विज्ञप्ती जारी गर्दै यस्ताे चेतावनी दिएका हुन् ।
सरकारले घाेषणा गरेकाे निर्वाचन खारेजी अभियानका क्रममा देशभरबाट ४५० भन्दा बढी नेता कार्यकर्ता र सर्वसाधारण जनतालार्इ राज्यले गिरफ्तार गरेकाे बताउँदै प्रवक्ता प्रकाण्डले सरकारले अमानवीय दमन गरेकाे बताएका छन् । पार्टीका पाेलिटब्यूराे सदस्य चन्द्रबहादुर चन्द विरजंगलार्इ मुटुकाे गम्भीर विरामी भइ अाइसियुमा राखेर उपचार गराइरहेका बेला अस्पतालबाटै गिरफ्तार गरिएकाे भन्दै प्रवक्ता प्रकाण्डले देउवा सरकारलार्इ दमन गरेर द्वन्द्व निम्ताउन चाहेकाे अाराेप लगाएका छन् ।
प्रवक्ता प्रकाण्डले गिरफ्तार गरिएका नेता, कार्यकर्ता र जनताको विनाशर्त रिहाइको माग पनि गरेका छन् । उनले भनेका छन्, “कथित प्रतिनिधिसभा र प्रदेशसभा निर्वाचनले दलाल संसदीय व्यवस्थालाई पक्षपोषण गर्ने भएको हुनाले यसलाई खारेज गर्दै वैज्ञानिक समाजवादको विकल्पमा अगाडि बढ्ने भन्दै जनताको घरदैलोमा हिँडिरहेका नेता र कार्यकर्तालाई राज्यसत्ताले फाँसिष्ट शैलीमा गिरफ्तार गरिरहेको र पार्टीका पोलिट ब्युरो सदस्य सहित ४५० भन्दा बढि नेता, कार्यकर्ता र जनतालाई गिरफ्तार गरिएको प्रति घोर भत्र्सना गर्दै विज्ञप्ति मार्फत् उहाँहरुको विनाशर्त रिहाइको माग गर्दछ ।”
यस्ताे छ विज्ञप्तिको पूर्णपाठ
कथित प्रतिनिधिसभा र प्रदेशसभा निर्वाचनले दलाल संसदीय व्यवस्थालाई पक्षपोषण गर्ने भएको हुनाले यसलाई खारेज गर्दै वैज्ञानिक समाजवादको विकल्पमा अगाडि बढ्ने भन्दै जनताको घरदैलोमा हिँडिरहेका नेता र कार्यकर्तालाई राज्यसत्ताले फाँसिष्ट शैलीमा गिरफ्तार गरिरहेको छ ।
यसक्रममा कलेजोको बिरामीका कारण कोमामा रहेका छोराको उपचारको लागि अन्तिम प्रयासमा रहनुभएका हाम्रो पार्टीका पोलिटब्यूरो सदस्य तथा लुम्बिनी ब्युरो इन्चार्ज क. चन्द्रबहादुर चन्द ‘वीरजंग’ को गिरफ्तारीले हाम्रो गम्भीर ध्यानाकर्षण भएको छ । त्यसैगरी मोरङ जिल्ला इन्चार्ज क. पुस्कर श्रेष्ठ, धनकुटा इन्चार्ज क. माधव गौतम, कोसी ब्युरो सदस्य क. जितेन्द्र मोहरा ‘महावीर’, चितवन इन्चार्ज क. लालबहादुर विसी, पूर्वी ताम्सालिङ स्वायत्त प्रदेशका प्रमुख क. मनिक लामा, पूर्व केन्द्रीय सदस्य क. सरला रेग्मी, गण्डक ब्युरो सदस्य क. कपिल भट्ट, भोजपुरा स्वायत्त प्रदेशका प्रमुख क. विगा चौरसिया, पाल्पा इन्चार्ज क. पार्वती वि.क. ‘सामना’, पाल्पा सचिव क. भुवन के.सी., रोल्पा इन्चार्ज क. दलबहादुर खत्री ‘जागृति’, रोल्पा सचिव क. सन्तोष सुवेदी ‘प्रयास’, नवलपरासी इन्चार्ज क. पदम के.सी. ‘जुझारु’, थारुवान स्वायत्त प्रदेश प्रमुख क. रामबहादुर चौधरी, रसुवा सचिव क. चेरुङ तामाङ, लम्जुङ सचिव क. सन्तोष कोइरालालगायत सयौंलाई गिरफ्तार गरिएको छ । केही दिन अघि विराटनगर न्यूरो अस्पतालमा उपचार गराइरहनु भएका पार्टीका केन्द्रीय सदस्य सन्तकुमार लिम्बुलाई उपचार नै गर्न नदिइ गिरफ्तार गरिएको छ ।
हाम्रो पार्टी यो फाँसिष्ट तथा अमानवीय दमन–अत्याचारको घोर भर्त्र्सना गर्दछ । पार्टीका पोलिटब्युरो सदस्य चन्द्रबहादुर चन्दसहित ४५० जना भन्दा बढि नेता कार्यकर्ता र जनताको विना शर्त रिहाइको माग गर्दछ । अन्यथा इतिहासका निर्माता जनताको शक्तिशाली प्रतिरोधलाई कसैले रोक्न सक्ने छैन ।
प्रकाण्ड
प्रवक्ता
नेपाल कम्युनिस्ट पार्टी
