सिरहा । सिरहा प्रहरीले लागूऔषधसहित दुई जनालाई पक्राउ गरेका छन् ।
पक्राउ पर्नेमा सिरहाको लहान नगरपालिका-१५ का २१ वर्षीय सन्तोष यादव र लहान-१६ का २२ वर्षीय जितेन्द्र यादव रहेका प्रहरीको भनाइ छ ।
लहान नगरपालिका-१७ स्थित बलान खोलाबाट बुधबार उनीहरूले बोरामा ल्याउँदै गरेको २ सय ४० बोतल र लुकाएर राखेको २ सय १३ गरी ४ सय ४३ बोतल अनरेक्स नामक लागूऔषध फेला परेको जिल्ला प्रहरी कार्यालयका सूचना अधिकारी एवं डिएसपी वीरेन्द्रकुमार पासवानले बताए ।
पक्राउ परेका दुबै जना र उनीहरूले प्रयोग गरेको म.प्र.०१–००४ प ५९८५ र स ३ प १७२मोटरसाइकल -२ थान र दुई थान मोबाइल पनि नियन्त्रणमा लिइ थप अनुसन्धान भइरहेको डीएसपी पासवानले जानकारी दिए।
