काठमाडौ । राष्ट्रिय जनमोर्चाका अध्यक्ष चित्रबहादुर केसीले लोकतन्त्र र गणतन्त्र कसैले ‘बक्सिस’ दिएर नआएको बताएका छन् ।
प्रतिनिधिसभाको बैठकलाई सोमबार संबोधन गर्दै अध्यक्ष केसीले लोकतन्त्र र गणतन्त्र बक्सिसमा नपाएको प्रष्ट पार्दै उनले जनताले धेरै लामो संघर्ष र बलिदानीबाट आएको ब्यवस्थालाई उल्ट्याउने सपना नदेख्न चेतावनी दिए ।
अध्यक्ष केसीले गणतन्त्र पक्षधरहरुबीच मतभेद बढेका कारण प्रतिगामी तत्वहरुले टाउको उठाउन थालेको टिप्पणी गरे ।
गणतन्त्र बचाउने हो भने सरकार चलाउनेहरु सच्चिनुपर्ने उनको सुझाव छ । नसच्चिए जनताले वर्षौं लडेर ल्याएको गणतन्त्र प्रतिगामीहरुले उल्ट्याउँन सक्ने प्रति सचेत बन्नुपर्नेमा उनले जोड दिएका छन् ।
