काठमाडौं – राप्रपा अध्यक्ष राजेन्द्र लिङ्देनले गणतन्त्रवादीहरू मादल बजाएर आएको हो? भन्दै प्रश्न गरे। तीनकुने बितण्डाको बचाउ गर्दै उनले गणतन्त्रबादीहरु हत्या-हिंसा गरेर आएका कतै नछिपेको बताएका छन् ।
प्रतिनिधिसभामा बोल्दै उनले कथा र शब्दजाल बुनेर अब मानिसले नपत्याउने बताए । उनले अब युवापुस्ताले गणतन्त्र उल्ट्याउने दावी गरे ।
प्रतिनिधिसभामा बोल्दै उनले गणतन्त्रको नाममा लूट मच्चाइएको भन्दै यो अब युवापुस्ताले नमान्ने बताए।
उनले नेपाली युवालाई नक्कली भुटानी बनाएर बेच्ने पनि यही व्यवस्थाका पक्षपातीहरूबाट भएको भन्दै कटाक्ष गरे ।
उनले राजा हटेपछि नारायणहिटीमा कसले व्यापार सुरु गरेको भन्दै असन्तुष्टि ब्यक्त गरेका थिए ।
उनले चैत १५ गते तीनकुनेमा छतमाथि बसेर गोली र म्याद सकिएको अश्रुग्यास हानिएको बताए। उनले यो घटनामा राज्य जिम्मेवार रहेको भन्दै विश्व समुदाय र मानव अधिकारकर्मीको ध्यानाकर्षण गराए। सो विषयमा न्यायिक छानबिनको गर्नुपर्ने उनको माग छ ।
