नेपाल मगर विद्यार्थी संघ जिल्ला समिति सिन्धुपाल्चोकमा नयाँ नेतृत्व चयन भएको छ । शनिबार सदरमुकाम चौतारामा सम्पन्न आठौ जिल्ला अधिवेशनबाट निराजन थापामगरको अध्यक्षतामा नयाँ कार्यसमिति निर्वाचित भएको हो ।
कार्यसमितिको उपाध्यक्षमा सुस्मिता रखाल मगर, सचिवमा करुणा रखाल मगर, सह सचिवमा मनिका राना मगर र कोषाध्यक्षमा नवीन थापा मगर निर्वाचित भएका छन् । सर्वसम्मत रूपमा निर्वाचित १३ सदस्यीय कार्यसमितिमा थप सदस्य मनोनयन समेत गरिने नवनिर्वाचित अध्यक्ष निराजन थापामगरले बताए ।
सम्पूर्ण मगर विद्यार्थीको एकता, सहयोग, सहकार्य र समुदायमा शैक्षिक जागरण फैलाउन कार्यसमितिले काम गर्ने उनले प्रतिक्रिया दिएका छन् ।
केन्द्रीय अध्यक्ष चित्रबहादुर पुलामी मगरको प्रमुख आतिथ्यता र केन्द्रीय सदस्य यामबहादुर रोकामगरको विशेष आतिथ्यतामा आठौं अधिवेशन सम्पन्न भएको थियो ।
त्यसैगरी शनिवार नै मखमली आले मगरकाे अध्यक्षतामा १५ सदस्यीय नेपाल मगर शिक्षक संघ जिल्ला समन्वय समिति सिन्धुपाल्चोक समेत गठन भएको छ ।
