काठमाडौँ । नेपाली कांग्रेस को संसदीय दल नेता चयन प्रक्रिया अन्तिम समयमा आएर स्थगित गरिएको छ।
निर्वाचन समितिले सार्वजनिक गरिसकेको कार्यतालिकाअनुसार शुक्रबार अपराह्न ३ बजेदेखि मनोनयन दर्ता हुने तय थियो। तर केन्द्रीय कार्यसम्पादन समितिको निर्देशनपछि प्रक्रिया रोकिएको हो।
निर्वाचन समितिकी सदस्य मुना भुसाल ले सहमतिमै नेता चयन गर्ने प्रयासस्वरूप प्रक्रिया स्थगन गरिएको बताइन्। उपसभापति विश्वप्रकाश शर्मा को नेतृत्वमा समिति गठन गरिएको छ। समितिमा पुष्पा भुसाल, महामन्त्रीहरू विश्वप्रकाश शर्मा र प्रदीप पौडेल तथा निर्वाचन समिति समेत सहभागी छन्।
निर्वाचन समिति संयोजक प्रकाश रसाइली स्नेही का अनुसार भोलिसम्म सहमतिमै दल नेता चयन गर्ने प्रयास गरिनेछ। कांग्रेस संसदीय दलमा ३८ सांसद रहेका छन्। नेता चयनका लागि अर्जुननरसिंह केसी, भीष्मराज आङदेम्बे र मोहन आचार्य दाबेदार छन्।
