देउवाका लागि कमल थापाकाे पावर जुटाइदिन प्रचण्डले बाेलाए बैठक

काठमाडौं, २४ असार । पार्टीभित्रकाे किचलाेका कारण मन्त्रिपरिषद विस्तार गर्न नसकेका शेरबहादुर देउवाका लागि पूर्व प्रधानमन्त्री पुष्पकमल दाहाल सक्रिय भएका छन् । अाफ्नाे पार्टीबाट मन्त्री बनाउन तम्तयार पारे पनि कांग्रेसभित्रकाे विवादका कारण मन्त्रिपरिषद पूरा गर्न नसकेका देउवाका लागि प्रचण्डले अाज कमल थापाकाे साथ जुटाइदिन एउटा बैठककाे अायाेजना गरेका छन् । 
 
प्रधानमन्त्री निवास बालुवाटारमा बाेलाइएकाे बैठकमा कमल थापा अर्का बरिष्ठ नेता पशुपति शमशेर थापाका साथ गएका छन् । बैठकमा सरकार विस्तार, संविधान संशोधन, अागामी निर्वाचन लगायतका विषयमा छलफल हुने बताइएकाे छ । नेपाली कांग्रेस, माअोवादी केन्द्र र राप्रपाको बैठकबाट केही नयाँ निकास निस्कने सरकारी दलकाे अाशा छ । 
 
बैठकमा प्रधानमन्त्री शेरबहादुर देउवा, पूर्वप्रधानमन्त्री तथा माअोवादी केन्द्रका अध्यक्ष प्रचण्ड, राप्रपा अध्यक्ष कमल थापा र राप्रपा नेता पशुपति शमसेर राणा सहभागी छन्।
 
पहिलो र दोस्रो चरणको निर्वाचन सम्पन्न भएपछि पनि दुई नम्बर प्रदेशमा स्थानीय तह निर्वाचन बाँकी छ। त्यसका लागि मधेसकेन्द्रित दल राष्ट्रिय जनता पार्टीले संविधान संशोधनलाई पूर्व सर्तका रुपमा माग राख्दै आएको छ।

 

Loading...