काठमाडौं, १४ फागुन । पूर्वप्रधानमन्त्री तथा समाजवादी पार्टी नेपालका संघीय परिषद अध्यक्ष बाबुराम भट्टराईले प्रधानमन्त्री केपी ओलीको सम्पती छानविन गर्न माग गरेका छन् । बुधवार प्रतिनिधि सभाको बैठकमा बोल्दै भट्टराईले तेह्रथुमको सानो ‘बुकुरो’मा बस्ने मान्छेको बालकोटमा भव्य दरवार बन्न नसक्ने दावी गर्दै उनको सम्पती छानविन गर्नुपर्ने बताएका हुन् ।
सो प्रसंगमा भट्टराईले प्रम ओलीको मात्र नभई सबै नेताहरुको सम्पती छानविन गर्नुपर्नेमा पनि जोड दिए । उनले आफू अर्थमन्त्री र प्रधानमन्त्री समेत भएको उल्लेख गर्दै त्यसबापत प्राप्त हुने सबै वैद्य स्रोत जोड्दा पनि काठमाडौंमा घर बनाउन सम्भवै नहुने दावी गरे । उनले आफू गणितमा चासो राख्ने र अर्थमन्त्री समेत भइसकेको व्यक्ति भएकाले जसरी हिसाब गर्दा पनि बाहिर देखिने सम्पत्तिले मात्रै नेताले काठमाडौंमा महल ठड्याउन नसक्ने बताए । ‘म गणितमा चासो राख्ने र अर्थमन्त्री पनि भइटोपलेको मान्छे हुँ ।
उनले केपी ओलीको भन्दा आफ्नो गाउँको बुकुरो अझ राम्रो भएको पनि बताए । उनले भने, ‘कसरी हाम्रा महल छन् ? प्रधानमन्त्रीको अस्ति तेह्रथुमको बुकुरो हेर्दा त्योभन्दा राम्रो घर गोरखामा मेरो छ । त्यस्तो गाउँमा बुकुरो भएका हामी प्रधानमन्त्रीहरू काठमाडौंमा महल बनाउने कसरी पुग्यौं ?’
भट्टराईले भने, ‘हिजो हामी त साथीहरूले दिएको जडौडी लुगा, चप्पल लगाएर हिड्थ्यौं । अहिले हामी कसरी सुटेट बुटेट भएका छौं । कसरी चिल्ला कार चढेर हिडेका छौं ।’ लाख प्रयत्न गर्दा पनि हाम्रो दृष्य कमाइले काठमाडौंमा महल बनाउने हैसियत पुग्दैन । यसको छानबिन गरौं ।’
