काठमाडौं । शिक्षक सेवा आयोगले खुलातर्फको प्राथमिक तहको अन्तिम नतिजा प्रकाशन गरेको छ । शिक्षक सेवा आयोगले प्राथमिक तहको खुल्लातर्फ लिइएको परीक्षाको नतिजा प्रकाशन गरेको छ । यसैक्रममा सुदूरपश्चिमका ९ वटै जिल्लाको नतिजा सार्वजनिक भएको छ ।
आयोगले बुधवार र बिहीवार गरी सुदूरपश्चिमका कैलाली, कञ्चनपुर, डडेल्धुरा, बैतडी, बझाङ, बाजुरा, दार्चुला, अछाम र डोटी जिल्लाको नतिजा प्रकाशित गरेको हाे ।
गतवर्षको असोज १३ मा भएको परीक्षाको गएको असार १० गतेदेखि २९ गते सम्म नतिजा प्रकाशन गरेको थियो । आयोगले लिखित परीक्षा उत्तीर्णहरुलाई असार ३० गतेदेखि साउन १४ गतेसम्म अन्तर्वार्ता सञ्चालन गरेको थियो । साथै, छुटेकाहरुको साउन २५ गते अन्तर्वार्ता लिइएको थियो ।
९ हजार ९ सय ९६ पदमा भएको विज्ञापनमा १४ हजार १ सयबढीले लिखित परीक्षा उत्तीर्ण गरेका थिए ।
