काठमाडौं ।
स्वीजरल्याण्डको स्वीस बैंकमा नेपाली नागरिकको नाममा रहेको पैसाको छानविन गर्न राष्ट्रिय सभामा आवाज उठेको छ ।
राष्ट्रिय सभाको बिहीवार बसेको बैठकको शून्य समयमा नेकपाका सांसद खिमकुमार विकले स्वीस बैंकमा रहेको कालोधनको छानविन गरेर राष्ट्रियकरण गर्न माग गरेका हुन् ।
सो बैंकमा नेपालीको नाममा रहेको ३ सय २२ मिलियन स्वीस फ्रयाङ्क रहेको समाचार केही समय पहिले प्रकाशित भएको थियो ।
‘स्वीजरल्याण्डको स्वीस बैंकले ३ सय २२ दशमल ८८ मिलियन स्वीस प्र्रmङ्क बैंकमा छ भन्ने सार्वजनिक गरेको छ, त्यति धेरै धनरासीको खोजविन गर्न जरुरी छ’ सांसद विकले संसदमा भने, ‘त्यो कालो धनलाई स्वतन्त्र छानविन गरी राज्यको बानाउन जरुरी छ ।’
२०७५ असोज ४ मा प्रकाशित ।
