काठमाडौं । देशमा दुई सातादेखि बौद्धिक वर्ग भनिएका शिक्षकहरु सडक आन्दोलनमा छन् । पेशागत माग राखेर उनीहरू सडकमा उत्रदा मन्त्री लाचार बनेकी छन् भने प्रधानमन्त्री पनि आलोचित भएका छन् ।
यता, श्रम मन्त्रीलाई भने मजदुर संगठनकै नेताहरू सिंहदरवार नै पुगेर स्याबासी दिइरहेका देखिन्छन् ।
संयुक्त ट्रेड युनियन समन्वय केन्द्र (जेटियुसिसी) ले श्रम, रोजगार तथा सामाजिक सुरक्षा मन्त्री शरतसिंह भण्डारीलाई सिंहदरवार पुगेरै धन्यवाद ब्यक्त गरेको हो ।
बुधबार मन्त्रालय पुगेर जेटियुसिसी टोलीले योगदानमा आधारित सरकारी करारका कर्मचारीलाई समाजिक सुरक्षा कोषमा आबद्ध गराउने नितिगत ब्यबस्था गराउन महत्त्वपूर्ण भुमिका निर्बाह गरेका श्रम, रोजगार तथा सामाजिक सुरक्षा मन्त्री भण्डारीलाई मन्त्रालयमा भेटेर धन्यवाद ज्ञापन गरेका हुन ।
जेटियुसिसीका अध्यक्ष जगत बहादुर सिम्खडाले नया वर्ष २०८२ साल बैशाख १ गते देखि राजपत्र प्रकाशित गरि देशभरी नै स्थानिय, प्रदेश र संघिय कार्यालयहरुमा करारमा कार्यरत कर्मचारीलाई योगदानमा आधारित सामाजिक सुरक्षाकोषमा समेटिएको अबसरमा मन्त्रीद्वारा श्रमिकको पक्षमा नितिगत निर्णय गराउन अहम भुमिका खेलेको भन्दै धन्यवाद ज्ञापन गर्न आएको बताए ।
श्रममन्त्री भण्डारीले पछिल्लो स्वदेश तथा बिदेशमा कार्यरत श्रमिकको हितमा काम गरि रहेको अनुभूत भएको भन्दै उनले खुसी ब्यक्त गरे ।
सो अबसरमा मन्त्री भण्डारीले राज्यस्तरबाट स्वदेश तथा बिदेशमा कार्यरत नेपाली श्रमिकको उचित सम्मान हुनु पर्ने पक्षमा दत्तचित्त भएर काम गरि रहेको बताए । लाभग्राहीले आफ्नो कामको मूल्यांकन गर्दा थप सक्रियतास काम गर्ने प्रेरणा मिलेको उनले प्रतिक्रिया दिएका छन् ।
