विश्व फुटबल महासंघ (फिफा) ले सार्वजनिक गरेको महिलातर्फको वरियतामा नेपाल ९९औँ स्थानमा यथावत रहेको छ।
पछिल्लोपटक कोरोना भाइरसका कारण कुनै पनि अन्तर्राष्ट्रिय खेल नहुँदा त्यसको प्रभाव फिफा वरियतामा पनि परेको हो । यही कारण वरियतामा कुनै फेरबदल नभएको हो।
पछिल्लो पाँच महिनादेखि फिफाको वरियता एकनास रहेको पाइएको छ। एशियाली देशतर्फ नेपाल २१औँ स्थानमा छ । दक्षिण एशियाली देशको वरियतामा नेपालको स्थान दोस्रो छ।
यस्तै फिफा वरियतामा दक्षिण एशियाली देश भारत ५५ औँ, बङ्गलादेश १३४औँ, श्रीलङ्का १४०औँ, माल्दिभ्स १४२औँ तथा भुटान १५४औँ स्थानमा रहेका छन्।
विश्व वरियतामा अमेरिका पहिलो, जर्मनी दोस्रो, फ्रान्स तेस्रो, नेदरल्यान्ड्स चौथो, स्विडेन पाँचौँ, इङ्ग्ल्याण्ड छैटौँ, अष्ट्रेलिया सातौँ, ब्राजिल आठौँ, क्यानडा नवौँ र उत्तर कोरिया १०औँ स्थानमा रहेका छन्।
यसैबीच चितवनमा पछिल्लाे समय थप २८ जनामा कोरोना संक्रमण पुष्टि भएको छ। शनिबार राति भरतपुरस्थित कोभिड-१९ प्रयोगशालामा चार सय ७४ जनाको नमूना परीक्षण गर्दा २८ जनामा संक्रमण देखिएको हो। नयाँ संक्रमित चितवनका २७ र सर्लाहीका एक जना छन्।
प्रयोगशालाकी प्रमुख डा.नितु अधिकारीले संक्रमित हुनेमा महानगरपालिकाका मात्रै २१ जना रहेकाे बताएकी छन्। कोरोना पोजेटिभ देखिनेहरु २२ दखि ५३ वर्ष उमेर समूहका रहेका अधिकारीले जानकारी दिइन्। संक्रमित बढ्दै गएपछि भरतपुर महानगरपालिका क्षेत्र दुई दिनअिघदेखि लकडाउनमा छ।
