काठमाडौं । जर्मनीका चर्चित फुटबल खेलाडी मेसुट ओजिल र सिड कोलासिनाकले चक्कु बोकेका चोरसँग फाइट गरेको भिडियो भाइरल बनेको छ । ओजिल र कोलासिनाक दुबै जना इग्लिस क्लब आर्सनलबाट व्यवसायिक फुटबल खेलिरहेका छन् ।
आर्सनलका स्टार खेलाडी ओजिल र कोलासिनाक लन्डनमा चढेको कार दुई जना चक्कुधारी चोरले र्चो प्रयास गरेका थिए । चोरले कारमा चढिरहेका ओजिल र सिडलाई चक्कु देखाउँदै धम्काएर कार चोर्ने प्रयास गरेका थिए। तर, ओजिल र सिडले उनीहरुसँग लडेर कार जोगाएको बीबीसीले जनाएको छ।
उक्त घटनाको भिडियोसमेत सार्वजनिक भएको छ। भिडियोमा सिडले दुई व्यक्तिसँग लडिरहेको देखिएको छ। ओजिल भने कारभित्रै रहेका छन्।
भिडियोमा दुवैले चक्कु बोकेको देखिएको छ। यद्यपी उनीहरुले आक्रमण भने गर्न सकेनन्। दुवैलाई कुनै किसिमको चोट नलागेको फुटबल क्लब आर्सनलले जनाएको छ।
हेर्नुहोस भिडियो
https://www.youtube.com/watch?v=S0CGl_H_Oe4
