काठमाडौँ, २७ असार । काठमाडौँको बौद्धमा आज जापानी पर्यटकमाथि आक्रमण र लुटपाट भएको छ। लुटेराले उनको साथबाट २ लाख भन्दा बढी लुटपाट गरेको प्रहरीले बताएको छ
काठमाडौँ महानगरपालिका–६ बौद्ध तीनचुली डेरा गरी बस्ने ४० वर्षीय जापानी नागरिक सुमिजु तेञ्जीमाथि आक्रमण र लुटपाट भएको हो ।
लुटेराले उनी बस्ने डेरामा पसी सुमिजुलाई धारिलो हतियार प्रहार गरेर घाइते बनाई साथमा रहेको नगद लुटपाट गरेको प्रहरीले जानकारी दिएको छ।
लुटपाटको खबर प्राप्त हुनासाथ महानगरीय प्रहरी वृत्त बौद्धबाट खटिएको प्रहरीले फरार लुटेराहरुको खोजी गरिरहेको छ। साथै अन्य अनुसन्धान समेत भै रहेको बताइएको छ ।
घाइते सुमिजुको नेपाल मेडिकल कलेज अत्तरखेलमा उपचार भइरहेको छ।
