एजेन्सी । टर्कीको अदालतले अनसन बसेका दुई जना शिक्षकको पक्षमा वकालत गरेका १४ जना वकिललाई जेल चलानको फैसला बिहीबार सुनाएको छ ।
सन् २०१६ को जुलाईमा शिक्षकद्वय नुरिय गुल्मेन र सेमिह ओजाक्काले भोक हड्ताल गर्नु भएको थियो ।
सार्वजनिक क्षेत्रमा जागिर गरेकामध्ये झण्डै एक लाख ४० हजार जनालाई निलम्बन गरिएको छ ।
दुवै शिक्षकले मार्चमा भोक हड्ताल शुरु गरेका थिए । आतंकवादी गतिविधिलाई सहयोग गरेको आरोपमा उनीहरूलाई जेल चलान गरिएको थियो ।
गत सेप्टेम्बर १४ मा उनीहरूलाई अदालतमा बोलाइएकोमा उनीहरू स्वास्थ्यका कारण अनुपस्थित भएका थिए ।
जनताको अधिकार नामक संस्थाको तर्फबाट १६ जना वकिलले पालैपालो बहस गरेका थिए ।
उनीहरूसँगको बहस सकिएपछि इस्तानबुल अदालतले आतंकवादी समूहको सदस्य भएको भन्दै १४ जना वकिललाई जेल पठाउने आदेश दिएको हो ।
