अमेरिकी डाइभर्सिटी भिसा कार्यक्रम २०२६ का लागि आवेदन दिने समय अवधी थपिएको छ ।आज बुधवार सकिने अवधी बढाएर थप २ दिन आवेदन भर्ने म्याद दिइएको हो ।
नेपालस्थित अमेरिकी दूतावासले दुई दिन समय थपिएको जानकारी दिएको छ । अब ७ नोभेम्बरसम्म आवेदन दिन सकिनेछ ।
डिभी अनलाइन बाट भर्ने एक प्रकारको चिठ्ठा हो । डिभी परेमा अमेरिकाले भिषा दिएर आफ्नो देश लैजाने गर्दछ । अनलाइनमा उपलब्ध गराइएको डिभी फारममा नाम, जन्ममिति, जन्मस्थान, पासपोर्ट विवरण, फोटो, ठेगाना, फोन नम्बर, इमेल लगायतका विवरणहरू भरेर बुझाउनुपर्ने व्यवस्था गरिएको छ ।
