काठमाडौं, २७ मंसिर । पहिलो र दोस्रो संविधानसभाको निर्वाचनमा प्रत्यक्षतर्फ उम्मेदवार नउठाएरै धेरै साना दलले समानुपातिकमा मत मागेर संसदको यात्रा तय गरे । संसदमा हुने सरकार परिवर्तनको फोहोरी खेलमा उनीहरुले धेरै महत्व र मौका पनि पाए । साना दलका कतिपय नेताहरु मन्त्रीसमेत भए । पहिलो र दोस्रो संविधानसभामा करिव साढे दर्जन दल संविधानसभामा थिए ।

यसपटक भने त्यो सम्भावना पूरै कटेको छ । अहिलेसम्मको मतपरिणाम अनुसार यसपटक प्रतिनिधिसभामा जम्मा ४ वटा दल मात्र हुने भएका छन् । बाँकी एउटा दल राष्ट्रिय दल हुन ३ प्रतिशत थ्रेसहोल्ड कटाउन निकै कनिकुथी गरिरहेको छ ।

अहिलेसम्म भएको मतगणनाबाट नेकपा (एमाले), नेपाली कांग्रेस, नेकपा (माओवादी केन्द्र) र संघीय समाजवादी फोरमले समानुपातिक मत तर्फ व्यवस्था गरिएको ३ प्रतिशतको थ्रेसहोल्ड कटाएका छन् । निर्वाचन आयोगले थ्रेसहोल्ड नकटाउने दलले संसदको सिट पनि नपाउने जनाएको छ । प्रत्यक्षमा १ सिट वा सोभन्दा माथि सिट जितेर समानुपातिकमा तीन प्रतिशत थ्रेसहोल्ड कटाउने दलले मात्र संसद सिट पाउने व्यवस्था संविधानमा छ । अहिले प्रत्यक्षमा ११ सिट जितेको भए पनि राजपाको समानुपातिकतर्फ ३ प्रतिशत मत पुगेको छैन । राजपाले अहिलेसम्म समानुपातिकमा २.४८ प्रतिशत मात्र मत पाएको छ । मतगणना भइरहेकाले उसको ३ प्रतिशत पुग्नसक्छ । यदि राजपाले तीन प्रतिशत मत कटाउन सकेन भने तीन समानुपातिकतर्फ छुट्याइएका ११० सिट चारदलले आआफूले पाएको मतबराबर बाँड्नेछन् । यदि राजपाले ३ प्रतिशत मत कटायो भने ११० सिटबाट कम्तिमा तीन सिट उसले लिनेछ । बाँकी सिट अरु चार दलले आफ्नो मतप्रतिशतका आधारमा सांसद पाउनेछन् ।

प्रतिनिधिसभाको समानुपातिकतर्फ १ करोड ५ लाख मत खसेको छ । जसअनुसार अहिलेसम्मको मतगणनाअनुसार एमाले पहिलो, कांग्रेस दोस्रो र माओवादी केन्द्र तेस्रो स्थानमा छन् । निर्वाचन आयोगले दिएको जानकारी अनुसार समानुपातिकमा ४९ वटा दलले चुनावमा भाग लिएका थिए । त्यसमध्ये अधिकांश दलले केही सय मात्र मत पाएका छन् । तीन सय मत नकटाउने दल पनि धेरै छन् ।

यस्तो छ ४९ वटै दलको मत परिणाम

क्र.सं.	राजनैतिक दल	मतचिन्ह	पाएको मत
१	नेपाल कम्युनिष्ट पार्टी (एमाले)	सूर्य	1859240
२	नेपाली काँग्रेस	रुख	1770092
३	नेकपा (माअाेवादी केन्द्र)	गोलाकारभित्र हसिया हथौडा	726957
४	संघीय समाजवादी फोरम, नेपाल	हातले समातेको मशाल	227846
५	राष्ट्रिय जनता पार्टी नेपाल	छाता	169559
६	राष्ट्रिय प्रजातन्त्र पार्टी	गाई	125091
७	विवेकशील साझा पार्टी	तराजु	115738
८	नयाँ शक्ति पार्टी, नेपाल	देब्रे आँखा	54298
९	राष्ट्रिय प्रजातन्त्र पार्टी (प्रजातान्त्रिक)	गोलाकारभित्र हलो	41251
१०	राष्ट्रिय जनमोर्चा	गिलास	34338
११	एकल चिन्ह हसिया तारा लिएका	हँसिया तारा	22701
१२	राष्ट्रिय जनमुक्ति पार्टी	घर	20851
१३	नेपाल मजदुर किसान पार्टी	मादल	16565
१४	संघीय लोकतान्त्रिक राष्ट्रिय मञ्च	दाप सहितको खुकुरी	16237
१५	एकीकृत राष्ट्रिय प्रजातन्त्र पार्टी (राष्ट्रवादी)	आयाताकारभित्रको हलो	14768
१६	नेपाल संघीय समाजवादी पार्टी	बस	12582
१७	नेपाली जनता दल	गोरु गाडाको चक्का (पाङ्ग्रो)	11426
१८	बहुजन शक्ति पार्टी	जग	9572
१९	मंगोल नेशनल अर्गनाइजेसन	कुखुराको भाले	8979
२०	देशभक्त जनगणतान्त्रिक मोर्चा, नेपाल	मुठ्ठी	7292
२१	संघीय लोकतान्त्रिक राष्ट्रिय मञ्च(थरुहट)	गाग्री	6288
२२	नेपाल जनता पार्टी	कमलको फूल	4359
२३	आमूल परिवर्तन मसिहा पार्टी नेपाल	हृदय	3320
२४	जनशक्ति नेपाल	गोलाकारभित्र छाता	3263
२५	राष्ट्रिय मुक्ति आन्दोलन नेपाल	षटकोण	2505
२६	नेपाः राष्ट्रिय पार्टी	खड्ग	1885
२७	नेपाल लोकतान्त्रिक जनता काँग्रेस	दुई आँखा	1514
२८	चुरेभावर लोकतान्त्रिक पार्टी	भकुण्डो	1120
२९	ग्रीन पार्टी नेपाल	ऊँट	1005
३०	नेपाली कांग्रेस (बी.पी.)	करुवा	896
३१	नेपाल सुकुम्बासी पार्टी (लोकतान्त्रिक)	डोको	886
३२	नेपालवाद	तारापूञ्ज	843
३३	नेपाल समावेशी पार्टी	सुगा	800
३४	नेपाल कम्युनिष्ट पार्टी (मार्क्सवादी)	कोदालो	781
३५	तामाङसालिङ लोकतान्त्रिक पार्टी	बज्र	714
३६	नेपाल युवा किसान पार्टी	केराको काईंयो	678
३७	नेपाल दर्शन	भुईंकटहर	560
३८	राष्ट्रिय समाजवादी पार्टी, नेपाल	पृथ्वी	559
३९	एकल चिन्ह सिपाही लिएका	सिपाही	545
४०	राष्ट्रिय यथार्थवादी पार्टी, नेपाल	डाँफे	496
४१	नेपाल नौलो जनवादी पार्टी	चुच्चोले चिठ्ठी बोकेर उड्न लागेको परेवा	495
४२	युवा नेपाल पार्टी	मोटर साईकल	470
४३	नेपाल दलित पार्टी	इनार	465
४४	देशभक्त लोकतान्त्रिक पार्टी	ऐना	434
४५	संघीय खम्बुवान लोकतान्त्रिक पार्टी नेपाल	हवाईजहाज	414
४६	जनप्रजातान्त्रिक पार्टी, नेपाल	गैंडा	379
४७	देशभक्त समाज	जरायो	281
४८	लिवरल डेमोक्रेटीक पार्टी	दमाहा	263
४९	हाम्रो पार्टी	धारा	227