काठमाडौँ। युरोपका विभिन्न देशमा राम्रो जागिर लगाई दिछु भनि विश्वास दिलाई प्रलोभनमा पारी रकम ठगी गर्ने ब्यक्ति पक्राउ परेको छ।
महानगरीय अपराध महाशाखाको टोलीले रामेछाप गोकुलगंगा गा.पा. वडा नं. ३ स्थाई घर भई हाल का.जि.का.म.न.पा. वडा नं. ३२ कोटेश्वर बस्ने वर्ष ३३ को पोश बहादुर सुनुवारलाइ आज पक्राउ गरेको हो।
निजले प्रेम कुमार लामा दोङ समेत ६ जनालाई वर्किङ भिषामा युरोपियन देश लिथुनिया जान प्रतिव्यक्ती रु. ७,००,००० ।- (अक्षरुपी सात लाख रुपैयाँ) लाग्छ लिथुनिया पुगे पछी प्रतिष्ठित होटलमा काम लगाइदिन्छु भनी विश्वास दिलाई प्रलोभनमा पारी अन्य ६ जनाबाट प्रतिव्यक्ति रु. १,००,०००।- (अक्षरुपी १ लाख रुपैयाँ) का दरले जम्मा रु. ६,००,०००/-(अक्षेरुपी छ लाख रुपैयाँ) रकम असुल गरि फरार रहेको भनि परेको बैदेशिक रोजगारी बिभागमा परेको उजुरीका आधारमा कोटेश्वरबाट पक्राउ गरी थप अनुसन्धानको लागि विभागको कार्यालय बुद्धनगर, काठमाडौँमा पठाईएको महाशाखाले जनाएको छ ।
