भारतमा कोरोना संक्रमणबाट पछिल्लो २४ घण्टामा २७ सय ६०ले ज्यान गुमाएका छन्। राजधानी नयाँ दिल्लीका अस्पतालहरुमा अक्सिजनको चरम अभावसँगै पछिल्लो २४ घण्टामा कोरोनाका कारण मृत्यु हुनेहरुको संख्या बढेको हो । दिल्लीमा मौ एकैदिन २४ हजार १ सय बढी संक्रमित हुँदा ३ सय ५७ जनाको मृत्यु भएको छ ।
भारतमा कोरोना भाइरस महामारी घातक हुनुका पछाडि डबल म्युटेन्ट र ट्रिपल म्युटेन्ट भाइरसको मुख्य भूमिका रहेको भारतीय वैज्ञानिकहरुले बताएका छन् ।
अक्सिजन अभावका कारण मात्रै ५० भन्दा बढीको मृत्यु भएको भारतीय स्वास्थ्य मन्त्रालयले पुष्टी गरेको छ । यसै गरि जयपुरमा अक्सिजन अभावका कारण २० भन्दा बढी संक्रमितको मृत्यु भएको छ ।
महाराष्ट्र, मध्य प्रदेश, पंजाव, हरियाणामा पनि अक्सिजन अभाव हुँदा संक्रमितहरुको उपचार थप जटिल बनेको चिकित्सकहरुले जनाएका छन् । भारतमा पछिल्लो केही दिनयता ३ लाख बढी कोरोना संक्रमित थपिन थालेको भारतीय संचार मध्यमहरुले जनाएको छ।
संक्रमितको सख्या १ करोड ६९ लाख ५१ हजार ६ सय बढी रहंदा १ लाख ९२ हजार ३ सय ९ जनाको मृत्यु भइसकेको पछिल्लो तथ्यांक छ ।
