चितवन, १७ कार्तिक । कोरोना संक्रमणबाट चितवनमा दुई जनाको मृत्यु भएको छ । कोरोना लागेर चितवनको भरतपुर अस्पतालमा भर्ना भएका दुई जनाको उपचारको क्रममा मृत्यु भएको हो ।
मृत्यु हुनेमा भरतपुर महानगरपालिका–१० बस्ने ७९ वर्षीय पुरुष र धादिङको निलकण्ठ नगरपालिका–३ बस्ने ६१ वर्षीया महिला रहेका छन् ।
जानकारी दिए ।
भरतपुर महानगरपालिका–१० बस्ने ७९ वर्षीय पुरुषमा यही कात्तिक १३ गते कोरोना संक्रमण पुष्टि भएको थियो । श्वासप्रश्वासमा समस्या भएपछि उनलाई आइतबार अस्पतालमा भर्ना गरिएको थियो । स्वास्थ्य जटिल बन्दै गएपछि उनलाई सोही दिन कोभिड आईसीयूमा राखेर उपचार सुरु गरिएको थियो ।
सबै उपायहरु गर्दा गर्दै आइतबार राति १ः२० बजे उनको मृत्यु भएको भरतपुर अस्पतालका सूचना अधिकारी लिलाधर पौडेलले बताए
यसैगरी भरतपुर अस्पतालमै उपचाररत धादिङको निलकण्ठ नगरपालिका–३ बस्ने ६१ वर्षीया महिलाको सोमबार बिहान २ः५५ बजे मृत्यु भएको छ ।
श्वासप्रश्वासमा समस्या भएपछि यही कात्तिक ५ गते उनी अस्पतालको आइसोलेसनमा भर्ना भएकी थिइन् । उनलाई सोही दिन कोरोना संक्रमण पुष्टि भएको थियो । स्वास्थ्य अवस्था थप जटिल हुँदै गएपछि कात्तिक ९ गते कोभिड आईसीयूमा राखी उपचार गरिएको थियो ।
‘चिकित्सक र स्वास्थ्यकर्मीहरुले अथक प्रयास गर्दागर्दै उहाँहरुको ज्यान गयो,’ भरतपुर अस्पतालका सूचना अधिकारी पौडेलले भने, ‘सम्पूर्ण अस्पताल परिवार गहिरो दुःख व्यक्त गर्दछ ।’
