म अहिले क्रान्तिकारी भएको छु
म देशभक्त पनि भएको छु
पहिलेपहिले पनि म धेरै पटक
क्रान्तिकारी ,देशभक्त भएको थिए
फेरि अहिले एकपटक पुन भएको छु
किनकी म सिजनल देशभक्त र क्रान्तिकारी हुँ
किनकी म कतै भाग नपाएर बेहाल भएको छु।
पहिले कहिलेकाही
म सांसद नभएको पनि होइन
म मन्त्री नभएको पनि होइन
त्यतिखेर निदाएको मेरो क्रान्तिकारी पन
त्यति खेरै लठ्ठिएको मेरो देशभक्ती पन
अहिले फेरि जुर्मुराएको छ
किनकी अहिले म सँग केही छैन
न पार्टीको कार्यकारी पद
न मालदार मन्त्रालयको मन्त्री
न त समानुपातिक भएपनी एकथान सांसद पद
त्यसैले बेकार र बेहाल भएको छु
हे कोही छौ कि मेरो पुकारा सुनिदिने
म कहिलेसम्म यसरी
देशभक्त, क्रान्तिकारी भैरहने
