काठमाडौँ । नेकपा एमालेको सचिवालय बैठक भोलि बस्ने गरी सकिएको छ ।
एमाले अध्यक्ष केपी शर्मा ओलीको निवास गुण्डुमा शुक्रबार झण्डै ६ घण्टा बसेको बैठकमा उपाध्यक्षहरूले बोलेपछि शनिबार बस्ने गरी बैठक सकिएको उपमहासचिव लेखराज भट्टले जानकारी दिए ।
उनका अनुसार बैठक शनिबार ११ः३० बजे पुन: बस्नेछ । बैठकमा आएको सुझावको आधारमा कार्य विभाजनका लागि प्रस्तावित नाम संशोधन हुनसक्ने भट्टले बताए।
अध्यक्ष ओलीले नेताहरूको कार्य विभाजनको प्रस्ताव सोमबारको बैठकमा राखेका थिए । त्यही प्रस्तावका आधारमा नेताहरूले आ–आफ्ना धारणा राखेका हुन्।
तर आजको बैठकमा नेताहरूले चुनावकै बारेमा केन्द्रित भएर बोलेकाले कार्य विभाजनबारे छलफल प्रवेश नै गर्न नपाएको नेताहरूले बताए।
