जोरायल । डोटीमा गएराति भएको बोलेरो जिप दुर्घटना परी चालकसहित दुई जनाको घटनास्थलमै मृत्यु भएको छ।
दुर्घटनामा परी आदर्श गाउँपालिका– ३ काँडीस्याउलेका २२ वर्षीय चालक सुबोध रोकाया सोही ठाउँका १९ वर्षीय कैलाश बिकको घटनास्थलमै मृत्यु भएको निमित्त जिल्ला प्रहरी प्रमुख डिएसपी नवराज ढुंगेलले बताए।
गिरिचौकाबाट काँडीस्याउलेतर्फ आउँदै गरेको सुपप्र. ०१ ००१ च ३९२३ नम्बरबको राति साढे १२ बजेतिर जिप आदर्श– ६ रौसेल्ला घुम्तीबाट झन्डै ९०० मिटर मुनी खसेको थियो।
शव खोलाबाट सडकमा ल्याउने काम भइरहेको डिएसपी ढुंगेलले जानकारी दिए। दुर्घटनाको कारण खुलिनसकेको प्रहरीले जनाएको छ।
