काठमाडौँ । विगत पाँच दिनदेखि निरन्तर उकालो लागेको सुन र चाँदीको मूल्य आज पनि बढेको हो ।
नेपाल सुनचाँदी व्यवसायी महासङ्घका अनुसार शुक्रबार सुनको मूल्य रु दुई लाख ७७ हजार २०० कायम भएको छ । बिहीबार दुई लाख ७६ हजार ५०० मा कारोबार भएको थियो ।
त्यस्तै चाँदीको मूल्य प्रतितोला पाँच हजार ६४५ कायम भएको छ । बिहिबार चाँदी पाँच हजार ४८५ मा कारोबार भएको थियो ।
अन्तरराष्ट्रिय सञ्चारमाध्यमहरूका अनुसार आज अन्तरराष्ट्रिय बजारमा एक औँस सुन चार हजार ६१५ र त्यति नै परिमाणको सेतो धातु ९२ अमेरिकी डलरमा कारोबार भइरहेको छ ।
