श्रीलंकाको हबराना क्षेत्रमा बिहीबार ठूलो दुर्घटना भएको छ ।यात्रुवाहक रेल हात्तीको समूहसँग ठोक्किदा छ, ६ हात्ती हताहत भएका छन् ।
श्रीलंकाली समाचार माध्यमका अनुसार घाइते थप २ हात्तीको उपचार भइरहेको छ ।
श्रीलंकामा रेल र हात्तीबीचको यस्तो दुर्घटना सामान्य भइसकेको छ । वन्यजन्तु संरक्षणसँग सम्बन्धित संस्थाका अनुसार हरेक वर्ष रेल दुर्घटनामा २० वटा हात्तीको मृत्यु हुने गरेको छ । यसबाहेक गत वर्ष मानव हात्ती द्वन्द्वमा १७० भन्दा बढी मानिस र ५ सय हात्तीको मृत्यु भएको थियो ।
वन फँडानी र प्राकृतिक स्रोतको अभावका कारण अहिले हात्तीहरू मानव क्षेत्रमा पस्न बाध्य भइरहेका छन् । जसका कारण उनीहरु रेलमार्ग, खेतबारी र गाउँ गाउँमा पसेर दुर्घटनाको शिकार बन्न थालेका छन् । रेल दुर्घटना बाहेक धेरै हात्तीहरू बिजुलीको करेन्ट, विषाक्त खाना र शिकारीको चोरी शिकारको पनि मारमा परिरहेका छन् ।
श्रीलंकामा करिब ७ हजार जङ्गली हात्ती रहेको बताइन्छ । हात्तीलाई त्यहाँका बौद्ध समुदायले पूजाअर्चना गर्ने गर्दछ्न ।