दक्षिण एशियाली देशका समूह सम्मिलित साफ महिला च्याम्पियनसिप अन्तर्गत नेपाल र भारतबीचको सेमिफाइनल खेल पुनः शुरु भएको छ । १० खेलाडीमा सीमित नेपालले भारतलाई फेरिपनि गोल गरेको छ । सावित्रा भण्डारी साम्बाले उक्त गोल गरेकी हुन्।
खेलको दोश्रो हाफको ७१ औं मिनेटमा भारतीय टोलीले गोल गरेको थियो । सो खुशी मनाउन नपाउँदै रेफ्रीले खेल शुरु गरेपछि नेपालले गोल फर्काएको थियो। तर, गोललाई पहिले मान्यता दिएपनि पछि मान्यता नदिने निर्णय भएपछि तनाव उत्पन्न भएको थियो र खेल अवरुद्ध भएको थियो ।
पछि पुन सुचारु खेलमा नेपालले गोल फर्काएको हो । दोश्रो हाफको ७१ औं मिनेटमा भारतका लागि संगीताले गोल गरेकी थिइन् । यस अघि नै नेपाली खेलाडी रेखा पौडेलले दोहोरो पहेँलो कार्ड खाँदै बाहिरिनु परेपछि घरेलु दर्शक आक्रोशित बनेका थिए र त्यतिबेला पनि खेल रोक्नुपरेको थियो । प्रतियोगिता दशरथ रंगशालामा भैरहेको छ । घरेलु दर्शकले रंगशाला खचाखच भरिएको छ ।
