तुलसीपुरमा पार्किङ्ग गरेर राखेको बसमा आगजनी

दाङ, ६ चैत । तुलसीपुरमा पार्किङ्ग गरेर राखेको बसमा आगजनी भएको छ । तुलसिपुर उपमहानगरपालिका वडा नं। ५ निवासी सुमन कार्कीको ना ४ ख ७१८८ नम्बरको बसमा आगलागी भएको प्रहरीले बताएको छ ।

बुधबार राति सवा ११ बजे तिर अज्ञात समूहले आगजनी गरेको इलाका प्रहरी कार्यालय तुलसीपुरका प्रहरी निरीक्षक चक्रडमर पालले जानकारी दिए । आगलागीबाट गाडीको बाहिरी भाग जलेर नष्ट भएको छ । तीन महिनाअघि बसपार्कमा पार्किङ्ग गरेर राखिएको थियो । यस विषयमा थप अनुसन्धान भइरहेको प्रहरीले बताएको छ ।