काठमाडौँ, २९ माघ । माघ महिनाको अन्तिम दिन आज बुधबार सुनको भाउ घटेको छ । नेपाल सुनचाँदी व्यवसायी महासंघका अनुसार बुधबार छापावाला सुनको मूल्य तोलामा २ सय रुपैयाँले घटेको हो ।
मंगलबार तोलामा ७५ हजार ९ सय रुपैयाँमा कारोबार भएको छापावाला सुनको मूल्य बुधबार ७५ हजार ७ सय रुपैयाँमा कारोबार भएको हो । त्यस्तै तेजाबी सुनको मूल्य पनि बुधबार २ सयले घटेर ७५ हजार ४ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
यस्तै आजको बजारमा चाँदीको मूल्य पनि घटेको छ । मंगलबार ८ सय ८० रुपैयाँमा कारोबार भएको चाँदीको मूल्य आज ५ रुपैँयाले घटेर ८ सय ७५ हजार मूल्यमा कारोबार भइरहेको महासंघले जनाएको छ ।
