खोटाङ, १० माघ । खोटाङ्गबाट उदयपुरको गाईघाट जादै गरेकोे बस उदयपुरको त्रियुगा नगरपालिका १४ जितपुरमा दुर्घटना हुँदा २७ जना घाइते भएका छन् । गाइघाटबाट खोटाङ्ग जाँदै गरेको म १ ख १७४० नम्बरको बस र खोटाङ्गबाट गाईघाट आउँदै गरेको बस एक आपसमा ठोक्किदा दुर्घटना भएको हो ।
बसका चालक त्रियुगा नगरपालिका ३ का सुरेश खड्का, खोटाङ दिप्रुङचुईचुम्मा गाउँपालिका ४ का लिलाकुमारी श्रेष्ठ, खोटाङ बाराहापोखरी गाउँपालिका १ का ताराकुमारी श्रेष्ठ, त्रियुगा नगरपालिका ५ का सविता राई, सलिना राई त्रियुगा नगरपालिका १४ का थिराकुमारी मगर, भरत मगर, पेसल मगर, खोटाङ बाराहापोखरी गाउँपालिका १ का गणेशबहादुर राई, उदयपुरको त्रियुगा नगरपालिका १४ का एकबहादुर कटुवाल, गंगामाया मगर, रौतामाई गाउँपालिका ५ का भुपेन्द्र मगर, दिप्रुङचुईचुम्मा गाउँपालिकाका विष्णु खड्का, त्रियुगा नगरपालिका १५ का लिला पराजुली र खोटाङ बाराहापोखरी गाउँपालिकाका प्रविन श्रेष्ठ घाईते भएको जिल्ला प्रहरी कार्यालय उदयपुरले जनाएको छ ।
उदयपुरको त्रियुगा नगरपालिका २ का छत्रबहादुर मंग्राती, पदम बोगटी, रौतामाई गाउँपालिका ६ का सविन मगर, रौतामाई ८ का बसन्त राई र रौतामाई ५ का बिमला राई घाईते भएको जनाइएको छ । घाईते सबैको उपचार जिल्ला अस्पताल उदयपुरमा उपचार भइरहेको छ । बसलाई जिल्ला प्रहरी कार्यालय नियन्त्रणमा लिएको छ ।
