दाङ २८ साउन । घोराही दाङका एक शिक्षक घुससहित पक्राउ परेका छन्।
माध्यमिक विद्यालय रझेनाका शिक्षक गणेश केसी रंगेहात पक्राउ परेका हुन् । केसीलाई १० हजार रुपैया घुस लिएको अवस्थामा अख्तियार दुरुपयोग अनुसन्धान आयोगको टोलीले पक्राउ गरेको हो ।
डिप्लोमा इन सिभिल इन्जिनियरिङको प्रवेश परीक्षा उत्तीर्ण गराइदिन सहजीकरण गरिदिने भन्दै शिक्षक केसीले परीक्षार्थीसँग घुस लिएको अख्तियारको दावी छ ।
अख्तियार अनुसन्धान आयोगको नेपालगन्ज सम्पर्क कार्यालयबाट खटिएको टोलीले शिक्षक केसीलाई १० हजार रुपैयाँ घुस लिँदै गरेको अवस्थामा रंगेहात पक्राउ गरिएको हो । विद्यार्थीसंग घुस लिन खोजेको भन्ने पूर्वसुचनाका आधारमा अख्तियारको टोली दाङ आएको र घोराही स्थित एक होटेलमा घुस रकम लिँदै गरेको अवस्थामा शिक्षक केसीलाइ पक्राउ गरिएको बताइएको छ ।
घोराही उपमहानगरपालिका–१५ बाट नियन्त्रणमा लिइएका केसीको बारेमा थप अनुसन्धान भइरहेको आयोगका प्रवक्ता प्रदीपकुमार कोइरालाले जानकारी गराएका छन् ।
