झापा । इकोम मिस एसईई प्रदेश १ २०१९ को उपाधी झापा मेचीनगरकी क्रिष्टिना ताम्रकारले जितेकी छिन् ।
देश बिकास हुन नसक्नुको कारक दक्षता अथवा आर्थिक अवस्था के हो भन्ने प्रश्नमा आफ्नो सठिक भनाई राख्दै उनले यस बर्षको उपाधी जितेकी हुन् ।
सोमबार बिर्तामोडमा भएको ग्राण्ड फिनालेमा फस्ट रनरअफ बिर्तामोडकी प्रिसा खरेल र सेकेण्ड रनरअप बिर्तामोडकै अनुमा राई बनेका छन् ।
बिजेताले क्रमस ५० हजार, २० हजार र १५ हजार रुपैँया सहित कक्षा १२ सम्म अध्ययनका लागि छात्रबृत्ती पाएका छन् । ड्रिम्स वल्ड इन्टरटेण्टमेन्टको आयोजनामा भएको प्रतियोगितामा प्रदेश १ का ३४ प्रतियोगिको सहभागीता रहेको थियो ।
कार्यक्रमको मुख्य निर्णायकमा मिस नेपाल अर्थ २०१८ प्रिया सिग्देल रहेकी थिइन ।
