हेटौंडा, १४ जेठ । शिवम सिमेन्टको कम्पाउण्डमा बम फेला परेको छ । मकवानपुर हेटौंडा उपमहानगरपालिका–१८ हटियामा शिवम् सिमेन्टको कारखाना रहेको छ । सोही कारखानाको दक्षिणतर्फको पर्खाल नजिकै बम फेला परेको हो ।
जिल्ला प्रहरी कार्यालय मकवानपुरले शिवमको कारखाना नजिक बम फेला परेको खबर आएपछि प्रहरी त्यता पुगेको जानकारी दिएको छ । मकवानपुर प्रहरीले त्यहाँ प्रेसर कुकर बम फेला परेको जनाएको छ ।
पर्खाल छेउमा राखिएको प्रेसर कुकरमा ‘खतरा’ लेखिएको छ । मकवानपुरका प्रहरी नायब उपरीक्षक यज्ञप्रसाद भट्टराईले बम निष्कृय पार्नका लागि नेपाली सेनाको डिस्पोजल टोली पनि घटनास्थल पुगिसकेको जानकारी दिएका छन् ।
