काठमाडौं ।
१८ औं एसियाली खेलकुद प्रतियोगिता सुरु भएको छ । ‘इनर्जी अफ एसिया’ अर्थात् ‘एसियाको शक्ति’ भन्ने सन्देशका साथ आसियन राष्ट्र इन्डोनेसियाको राजधानी जकार्तामा हिजो प्रतियोगिता सुरु भएको हो ।
सेन्ट्रल जकार्ताको गेलोरा बुङ कार्नो रंगशालामा इन्डोनेसियाका राष्ट्रपति जोकोइ विडोडोले प्रतियोगिताको उद्घाटन गरे । राष्ट्रपति कार्नोले प्रतियोगिता उद्घाटनको घोषणा गर्दा रंगशालामा भव्य आतिसबाजी गरिएको थियो ।
नेपालसहित एसियाका ४५ देशका ११ हजार ५ सय खेलाडी प्रतियोगितामा भाग लिइरहेका छन् । उद्घाटन समारोहलाई रंगशालामा उपस्थित ७६ हजार दर्शकले प्रत्यक्ष अवलोकन गरेका थिए ।
समारोहमा इन्डोनेसियाका चर्चित कलाकारले आफ्नो प्रस्तुति दिएका थिए । उद्घाटन समारोहमा नेपालबाट खेलाडी, प्रशिक्षक, अफिसियल र अतिथी गरी ८० जना सहभागी भए ।
नेपाली टोलीको नेतृत्व खेलकुदमन्त्री जगतबहादुर विश्वकर्माले गरेका छन् । मार्चपासका क्रमका राष्ट्रिय झण्डा बोकेर नेपालको खेलाडीको नेतृत्व भारोत्तोलनका कमलबहादुर अधिकारीले गरेका थिए ।
२०७५ भदौ ३ मा प्रकाशित ।
