पोखरा । पोखराको लिचीबारी जग्गा प्रकरणमा नेकपाकी नेता तथा पूर्वमन्त्री रञ्जिता श्रेष्ठलाई थुनामा राख्नुपर्ने माग गर्दै अख्तियार दुरूपयोग अनुसन्धान आयोगले सर्वोच्च अदालतमा निवेदन दिएको छ।
विशेष अदालतको आदेश बदर हुनुपर्ने र थुनामै राखेर उनीमाथि अनुसन्धान गर्नुपर्ने भन्दै अख्तियारले आइतबार सर्वोच्च अदालतमा निवेदन दिएको हो।
उनलाई फागुन १० गते (आइतबार) विशेष अदालतको न्यायाधीश सुदर्शनदेव भट्ट, हेमन्त रावल र डिल्लीरत्न श्रेष्ठको संयुक्त इजलासले ५ लाख धरौटीमा छोड्न आदेश दिएको थियो।
पोखराको लिचीबारी जग्गा प्रकरणमा अख्तियार दुरूप्रयोग अनुसन्धान आयोगले श्रेष्ठसहित ७ जनाविरूद्ध असोज २२ गते मुद्दा दर्ता गरेको थियो।
