चाडपर्व सकिएसंगै सरकारी कार्यालयको दैनिक सेवा प्रभावकारी देखिएको छ । सबै कर्मचारी उपस्थित देखिएका छन् ।
कार्यालय समय ५ बजे सम्म भन्ने सोच्नुभएको छ भने सो समय एक घण्टा घटेर ४ बजे नै कार्यालय बन्द हुन थालिसकेका छन् । १६ कात्तिक देखि १५ माघसम्म सरकारी कार्यालयको बन्द हुने समय अन्य बेलाकोभन्दा एक घण्टा अघि हुनेगर्छ । कार्तिक १६ गतेदेखि कात्तिक १९ गतेसम्म सार्वजनिक बिदा परेकाले कात्तिक २० गतेदेखि सरकारी कार्यालयसम्म ४ बजेसम्म मात्र खुल्ला रहन थालेका छन् ।
१५ माघसम्म सरकारी कार्यलयहरु बिहान १० बजे खुल्ने र अपरान्ह ४ बजे बन्द हुनेछ । त्यसपछि भने ५ बजेसम्म नै सेवा दिने गरी कार्यालयहरु खुल्ने छन् ।
सरकारले राजपत्रमा सूचना प्रकाशित गरेर कार्यालय समय तोक्ने गर्छ । जाडो समयमा दिन छोटो हुने भएकाले सरकारले ३ महिना कार्यालय समय ६ घण्टाका लागि मात्रै तोकेको छ । अन्य समयमा भने सरकारले कार्यालय समय ७ घण्टा निर्धारण गरिएको छ ।