काठमाण्डाै – सुनको भाउ आज तोलामा १५ सय रुपैयाँले घटेको छ । सुन तोलामा १५ सय रुपैयाँले घटेर आज तोलाको एक लाख ६ सय रुपैयाँमा झरेको नेपाल सुनचाँदी व्यवसायी महासंघले जनाएको छ ।
सुनको भाउ हिजो पनि तोलमा चार सय रुपैयाँले घटेको थियो । हिजो सुन तोलाको एक लाख दुई हजार एक सय रुपैयाँमा कारोबार भएको थियो ।
यसै गरि आज चाँदी तोलामा ३५ रुपैयाँले घटेर १३ सय ८५ रुपैयाँ तोकिएको महासंघले जनाएको छ । चाँदी अघिल्लो दिन तोलाको १४ सय २० रुपैयाँमा कारोबार भएको थियो ।
