चैत १० ,काठमाडौं । अन्तर्राष्ट्रिय मैत्रीपूर्ण फुटबलमा आज बिहीबार नेपाली राष्ट्रिय फुटबल टोलीले थाइल्याण्डसँग प्रतिस्पर्धा गर्दैछ ।
एएफसी एसियन कप छनोट अन्तर्गत तेस्रो चरणको खेल अघि नेपालले फिफा वरीयतामा आफूभन्दा माथि रहेको थाइल्याण्डसँग खेल्न लागेको हो । थाइल्यान्डको चेनाबुरीमा हुने यो खेल नेपाली समयअनुसार साँझ पौने ६ बजे हुनेछ ।
सन् १९८७ यता तीन दशकको अन्तरमा नेपालले थाइल्यान्डविरुद्ध खेल्न लागेको हो । यस अघि नेपालले थाइल्यान्डविरुद्ध दुई खेल खेल्दा दुवैमा पराजित भएको थियो ।
नेपालले एफसीसँग चैत १३ गते थाइल्यान्डको चोनबुरी प्रतिस्पर्धा गर्नेछ ।
नेपाली राष्ट्रिय पुरुष फुटबल टोली दुई मैत्रीपूर्ण खेलका लागि सोमबार थाइल्यान्ड प्रस्थान गरेको थियो ।
