काठमाडौं । काठमाडौं महानगरपालिकाले हनुमानढोका दरबार क्षेत्र वसन्तपुर डबलीमा बनाएका कंक्रिट संरचना महानगरकी उपमेयर हरिप्रभा खड्गी नेतृत्वको समूहले भत्काउन सुरु गरेको छ ।
महानगरकी उपमेयर हरिप्रभा खड्गी, पुरातत्व विभाग, अभियन्ता र स्थानीयहरूको उपस्थितिमा संरचना भत्काउन सुरु भएको हो ।
आज साँझ वसन्तपुुर डबली पुगेकी खड्गीले झण्डा राख्न बनाइएको ८ वटा कंक्रिटको आधार संरचनामा रहेको नटबोल्ट काटेर संरचना भत्काउने कार्यको सुरु गर्दै तत्काल बाँकी रहेका कंक्रिट संरचना नभत्काए मेयरसँग लफडा हुने चेतावनी दिनुभयो ।
उप मेयर खड्गीले विश्व समपदा सूचीमा रहेका क्षेत्रभित्र खेलवाड हुन नदिने प्रतिबद्धता जनाउदै , महानगरपालिकाका मेयर नै सम्पदा मास्न उद्दत रहेको बताउनुभयो । बाँकी रहेको कंक्रिट संरचनालाई डोजर लगाएर छिटै भत्काउने पुरातत्व विभागले जनाएको छ ।
यसै गरि हनुमानढोका दरबार हेरचार अड्डाका कार्यालय प्रमुख सन्दीप खनालले विश्व सम्पदा क्षेत्रमा कुनै पनि नयाँ संरचना बनाउन नपाइने नियमका कारण उक्त कंक्रिट संरचना हटाउन लागिएको बताउनु भयो ।
काठमाडौँ महानगर पालिकाले रातारात दरवार क्षेत्रमा रहेको नौ तल्ले दरवारको समून्ने डबलीलाइ मासेर आठवटा ३५ फिट अग्लो झन्डा राख्ने प्रयोजनले वृता आकारका ८ वटा संरचना बनाएका थियो ।
स्थानीय तथा सम्पदा अभियन्ताले डबलीमा मापदण्ड विपरीत कंक्रिटको संरचना बनाउँदा विश्वसम्पदामा नै गम्भीर असर पुग्ने भएकोले तत्काल निर्माण कार्य रोक्नु पर्ने बताउँदै आएका छन् ।
