फाइल फोटो-
फागुन २७,काठमाडौँ – सरकारले ५० वर्ष माथिका सबै नागरिकको स्वास्थ्य परीक्षण निशुल्क गर्ने निर्णय गरेको छ ।
मन्त्रिपरिषद्को आज बिहिबार बसेको बैठकले वर्षमा १ पटक ५० वर्ष भन्दा माथिका सबै नागरिकलाई निःशुल्क रुपमा स्वास्थ्य परीक्षण गर्ने निर्णय गरेको हो ।
यसैगरी बैठकले जेष्ठ नागरिक अस्पताल निर्माण गर्न स्वास्थ्य मन्त्रालयले राखेको प्रस्ताव समेत स्वीकृत गरेको छ । सो अस्पताल निर्माणका लागि मन्त्रालयले एक कार्यदल मार्फत काम अघि बढाइसकेको स्वास्थ्य तथा जनसंख्या मन्त्री विरोध खतिवडाको सचिवालयले जनाएकाे छ । यसको लागि मन्त्रालयले प्रस्ताव अघि सारेको थियो ।
