भारतीयको सर्वोच्च अदालतले शुक्रबार रिलिजको तैयारीमा रहेको चलचित्र ‘गंगुबाई काठियावाडी’का निर्मातालाई फिल्मको नाम फेर्न निर्देशन दिएको छ ।
आफूलाई गंगुबाई काठियावाडीका धर्मपुत्र भन्ने बाबुजी रावजी शाहले यस सम्बन्धमा सर्वोच्च अदालतमा निवेदन दिएका थिए ।
बाबुजी रावजी शाह यसअघि यसै बिषयलाई लिएर मुम्बई उच्च अदालत पुगेका थिए तर त्यहाँ उनको याचिका खारेज भएपछि उनि सर्वोच्च अदालत पुगेका थिए ।
सञ्जय लीला भन्सालीका वकिल सिद्धार्थ दवेलाई अदालतको निर्देशन निर्मातालाई जानकारी गराउन न्यायाधीशद्वय इन्दिरा बनर्जी र जेके महेश्वरीको डिभिजन बेन्चले भनेको बिबिसी हिन्दीले उल्लेख गरेको छ ।
यस फिल्मको नामबाहेक बाबुजी रावजी शाहले अन्य धेरै कुरामा पनि आपत्ति जनाउँदै फिल्मको प्रदर्शन रोक्न माग गरेका छन् । सर्वोच्च अदालतले बिहीबार यस विषयमा सुनुवाइ गर्ने भएको छ ।
सन् १९६० को दशकमा मुम्बईको कामाठीपुरामा वेश्यालय चलाउने गंगुबाईको जीवन संग सम्बन्ध रहेको यो फिल्म एस. हुसेन जैदी र जेन बोर्जेसले द्वारा लेखिएको ‘ माफिया क्विन अफ मुम्बई ‘ नामको किताबमा आधारित छ।
गंगुबाईको वास्तविक नाम गंगा हरजीवनदास काठियावाडी थियो । उनी गुजरातको काठियावाडमा जन्मिएकी थिइन् र त्यहीँ हुर्किएकी थिइन् ।
भन्साली प्रोडक्सनमा बनेको यो फिल्ममा सञ्जय लीला भन्सालीको निर्देशनमा आलिया भट्टले मुख्य भूमिका निभाएकी छिन् ।
