काठमाडौँ। नेपाल सम्वत अनुसार श्रावणकृष्ण एकादशीको दिन जन्मेका कवि श्रेष्ठ बुधबार ८६ वर्ष पूरा गर्दै ८७ वर्षमा प्रवेश गरेका छन् । यसै अवसरमा श्री दुर्गालाल साहित्य प्रतिष्ठानले बि. सं. २०७८ भित्रै नेपाली भाषामा उनको जीवनी प्रकाशित गर्ने घोषणा गरेको छ ।
अनुसन्धाता आर. मानन्धरद्वारा लिखित उनको जीवनी ‘कवि कथा’ लेखनको अन्तिम चरणमा छ । सो कृतिको सम्पादन लेखक राजेन्द्र महर्जनबाट भइरहेको छ । प्रतिष्ठानको अनुसार सो कृति चित्रमय हुने बताइएको छ ।
नेपालभाषामा उनको जीवनी पुस्तक दुइ वर्षअघि (ने. सं. ११३९) नै प्रकाशित भएको थियो । पुस्तकका डिजाइनर थिए, रविन साय्मि । अमेरिका र बेलायतमा रहेका नेवार संगठनहरूको सहयोगमा प्रकाशित सो जीवनी पुस्तक बन्दाबन्दीको कारण विमोचन कार्यक्रम स्थगित रहन गएको थियो । परिस्थिति अनुकुल भएमा दुवै भाषाका पुस्तक एउटै समारोह गरी विमोचन गर्ने योजना रहेको छ ।
