विश्वव्यापी महामारीका रुपमा देखा परेको कोरोना भाइरस संक्रमण (कोभिड १९) बाट बच्न आकस्मिक अवस्थामा बाहेक स्वास्थ्य संस्था तथा अन्य भीडभाड हुने स्थलमा नजान नेपाल चिकित्सक संघले अपिल गरेको छ । नेपाल सरकारले घोषणा गरे बमोजिम अत्यावश्यक अवस्था बाहेक स्वास्थ्य संस्था तथा अन्य भीडभाड हुने स्थलमा नजान संघले अपिल गरेको हो ।
नेपाल चिकित्सक संघले आइतवार एक सूचना प्रेषित गर्दै घरमै सुरक्षित रुपमा रहन अपिल गरेको छ ।संघले देशभरका सम्पूर्ण सर्वसाधारण नागरिकहरुलाई टेलिफोन बाटै स्वास्थ्य सेवा दिने समेत घोषणा गरेको छ । चिकित्सकको परामर्श सेवाको आवश्यकता परेको अवस्थामा नेपाल चिकित्सक संघ केन्द्रीय कार्यालयका विशेषज्ञ चिकित्सकहरुलाई टेलिफोनमा सम्पर्क गर्न सकिने संघले जनाएको छ ।
संघले आफना केन्द्रीय पदाधिकारीहरुको टेलिफोन नम्बर नै सार्वजनिक गर्दै टेलिफोन सम्पर्क गर्न आह्वान गरेको हो । परामर्श सेवा दिने चिकित्सकको समयसमेत तोकेर संघले टेलिफोन नम्बर सार्वजनिक गरेको छ । साथै, महासचिव डा बद्री रिजालद्वारा प्रेषित सूचनामा नेपाल चिकित्सक संघका सम्पूर्ण शाखा कार्यालयहरुले परामर्श सेवा प्रदान गर्न चाहने ईच्छुक चिकित्सकहरु र विभिन्न विशेषज्ञ समाजका प्रतिनिधि चिकित्सकहरुको नामावली र उपलब्ध समय तोकी नागरिकहरुलाई उपलब्ध गराउँन समेत निर्देशन दिइएको छ ।
संघले भयभित नबन्न, आवश्यक तयारी गर्न, सुरक्षित र सतर्क रहन समेत सबैलाई अपिल गरेको छ ।
हेर्नुस् विशेषज्ञ चिकित्सकहरुको टेलिफोन नम्बर
https://sites.google.com/nma.org.np/nma-info-covid-19/#h.6ww3kj8syeve
प
