एजेन्सी, नियतवस पूराना मोबाइलहरू स्लो बनाएको आरोपमा फ्रान्समा एप्पल कम्पनी माथि तीन अर्ब रुपैयाँ जरिवाना लगाइएको छ। पूराना सेटहरूमा अचानक बन्द हुने तथा ब्याट्री नटिक्ने समस्या देखिएको थियो ।
एप्पलले चिसो मौसम वा अन्य असम्बन्धित कारण देखाउँदै आएकोमा फ्रान्सले कम्पनीलाई दोषी ठहर्याउँदै पाठ सिकाएको हो। साथै, समस्याग्रस्त मोबाइल सेटमा निस्शुल्क ब्याट्री फेरिदिन पनि उक्त कम्पनीलाई निर्देशन दिइएको छ ।
त्यतिमात्र नभइ, एप्पलले उक्त कारबाही प्रक्रियाको सारा जानकारी आफ्नो वेबसाइटमा एक महिनासम्म राख्नु पर्नेछ। एप्पलले कारबाहीका क्रममा राखिएका सबै शर्तहरू स्वीकार्ने जनाएको छ।
