काठमाडौं, २४ भदौ । आज सुनचाँदीको मूल्य घटेको छ । सोमबारको तुलनामा मंगलबार बजारमा सुन ७ सय र चाँदी १० रुपैयाँले घटेको हो ।
सोमबार प्रतितोला ७१ हजार ७ सय मा कारोबार भएको छापावाला सुन आज ७ सयले घटेर प्रतितोला ७१ हजारमा कारोबार भइरहेको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुन प्रतितोला ७० हजार ७ सय रुपैयाँमा कारोबार भइरहेको छ । चाँदी भने १० रुपैयाँले घटेर प्रतितोला ८ सय ७० रुपैयाँमा कारोबार भइरहेको महासंघले जनाएको छ ।
